×

Այգիների հիմնում

«Նորատուկ» ՓԲԸ-ն իրականացնում է պտղատու այգիների նախագծում, հիմնում, ինչպես նաև՝ գիտական լիարժեք աջակցություն ու սպասարկում:

Հիմնադրման օրվանից Ընկերությունը Հայաստանում զբաղվում է այգեգործության զարգացմամբ: Եվրոպական գիտահետազոտական հաստատությունների և պտղատու տնկարանների հետ համագործակցելով՝ Ընկերությունը տարիների ընթացքում Հայաստան է ներկրել ինտենսիվ այգեգործության պահանջներին համապատասխան պատվաստակալներ, բարձր արտադրողական սորտերի պտղատու ծառեր: Հայաստանյան կլիմայական պայմաններին համապատասխան, գիտական փորձերի հիման վրա ստացված որակյալ տնկանյութի կիրառմամբ Ընկերությունն իրականացնում է այգիների նախագծում, հիմնում, կահավորում և սպասարկում:

×

Այգիների կահավորում

«Նորատունկ» ՓԲԸ-ն աշխատանքներ է տանում ոչ միայն այգիների հիմնման, այլև կահավորման՝ տեղադրելով կարկուտից, ցրտից, մկնանման կրծողներից պաշտպանության, կաթիլային ոռոգման համակարգեր և անհրաժեշտ այլ պարագաներ:

Ընկերությունն ապահովում է լավագույն որակի կարկտապաշտպան համակարգերի կառուցում: Իրականացնում է այգիների պաշտպանությունը՝
-կարկուտի պատճառած վնասից
-թռչուններից և միջատներից
-արևի ինտենսիվ ազդեցությունից

×

Բիզնես պլանի կազմում

Հիշու՞մ եք՝ վերջին անգամ երբ եք թղթի վրա գնահատել Ձեր ագրոընկերությունը: «Նորատունկ» ՓԲԸ-ի մասնագետների կողմից պատրաստված բիզնես պլանը կօգնի Ձեզ ստանալ պարզ և հստակ պատկերացում Ձեր գործունեության բոլոր ասպեկտների վերաբերյալ և տեսնել Ձեր բիզնեսի պոտենցիալ եկամտաբերությունը:

«Նորատունկ» ՓԲԸ-ն ընկերություններին և անհատներին է առաջարկում իր մասնագիտական աջակցությունը՝ կազմելով այգեգործության ոլորտին առնչվող այնպիսի բիզնես պլաններ, որոնք երաշխավորում են հիմնած բիզնեսի երկարակեցությունը, հնարավորություն տալիս ընտրել առավել հեռանկարային ցանկալի արդյունք և սահմանել դրան հասնելու միջոցները:
Մանրամասն մշակված ու ձևակերպված բիզնես պլանը թույլ է տալիս գնահատել նոր շուկաների և մեթոդների հնարավորությունը, գնահատել ռիսկերը, սահմանել նպատակներն ու կոնկրետ քայլերը՝ հասնելու դրանց:

×

Ընդհանուր խորհրդատվություն

Ֆերմերները, որպես կանոն, ավանդապահ են, նորարարությունների նկատմամբ՝ զգուշավոր: Հետևաբար, այս ոլորտում մասնագիտական խորհրդատվություն տալու համար անհրաժեշտ է ունենալ բավականաչափ փորձ, հեղինակություն և վստահություն: «Նորատունկ» ընկերությունը, ունենալով մեծ փորձ այգեգործության ու ընդհանրապես գյուղատնտեսության բնագավառում, հաջողությամբ իրականացնում է ֆինանսական խորհրդատվական և մոնիթորինգի ծառայություն, ագրոձեռնարկությունների գործունեության փորձագիտական գնահատում, նորարարությունների ներդնում, համապարփակ զարգացման ծրագրի մշակում:
Կան մասնագիտական նրբություններ, որոնք հիմնված են գիտական փորձերի, ուսումնասիրությունների, արդյունքների համադրման վրա: Այս ամենի կիրառմամբ ընկերությունը նաև խորհրդատվական ծառայություններ է մատուցում տնկանյութի արտադրության, ժամանակակից պտղատու այգիների ստեղծման, համապատասխան պտղատեսակների և սորտերի ընտրության, հողի նախապատրաստման, կաթիլային ոռոգման և կարկտապաշտպան համակարգի տեղադրման, այգու հիմնման, ոռոգման, հիվանդությունների և վնասատուների վերահսկման վերաբերյալ: